al vanof de oertied vertelt meenschen mekaor starke verhalen over de vos. ien van de eerste geschreven verhalen over een vos is al driedoezend jaor old, te vinden op een kleitablet in spiekerschrift. die rooie rekel hef wat! in dit boek vin ij de wriede geschiedenis van reynaert de vos, treffend verteld in dreents. het is gien boek veur wieke kinderzielties: seks, moord, incest, umklokkerij en hiel veul list en bedrog – het komp der allemaol in veur. het oorspronkelijke verhaal is gehiel op riem schreven deur een zekere willem, umdebij het jaor 1270. het is ien van de heugtepunten in de wereldliteratuur. hans katerberg en rolf mulder hebt dizze dreentse bewarking verzorgd, niet op riem maor echt as verhaal. de illustraties bint van maartje i. jansen.